خاطرة ، غابت الشمس من تحتري للآن ؟

غابت الشمس


----------------------------





سافرت عن عيني..


وأغتربت بعد ماكانت بيديني..


وأصبحت بعدها ذاك الوحيـــد


في عزلتي


أتامل ..رجوعها ذاك البعيــد





أنتظرت ...


وكلي أمل أنها تعود


أنتظرت


إنها توفي بذيك الوعود


قالت :


أبرجع لك .. أوعدك أني أعود


حبيبي :


أنا لك .. وأنت لي .. ياجعل عذولك يموت !


وراحت ..


وبعدها رحلت .. أبتساماتي


وتوالت فيني آلامي ..


ومن حزني .. دمعة عين أحزاني


غابت حياتي .. عن حياتي


راحت ..


وتركت صورة .. ووردة .. وأجمل ذكرياتي


مرت أيام .. وأيام .. وأيام


وجا يومنا الموعود


كنت قبلها سهران


حاولت أنام .. بس الصبر ماتركني أنام


قعدت الليل أنا ونفسي نقول .. كيف بكره بتكون ؟





أقول بنفسي .. من فرحتي .. أبضمها


ومرة أقول .. لالا .. أبي أمسك يدها


ومرة أقول .. يكفي أناظر عينها


وأقول .. هي ياترى قد ايش بتكون فرحانة بشوفتي ؟


يمكن بعرض البحر ..


ويمكن .. قد جمال القمر ..


يمكن يوم اشوفها تقول .. وحشتني بجنون !؟


ويمكن من فرحتها .. أشوف دموعها بذيك العيون !؟


وذاك الليل


ودتني ظنون .. وجابتني ظنون


ومشى الوقت ..


وجا الصباح ..


جا الوقت اللي أشوفها وأرتاح ..


رحت وبيدي وردة


وأتامل وصولها


حولي بشر ..


كلن منتظر حبيب غايب عن عينه كم شهر


أشوف الفرح يعم المكان


كل واحد لقى صاحب منتظرهـ من زمان


وأسمع الأصوات تعلى


ياهلا بـ فلان


كلهم مشوا ..


كلن لقى خله وراح ..


وأنا وحدي .. وبيدي وردتي


غابت الشمس .. ولا أسمع ولا حتى همس


كنت أبرجع


إلا وفجأة ومن بعيد .. أشوف هيأة أنسان


مبتسم وماسك بيد وحدة .. قلت بنفسي شكلهم ( خلاّن )


شكلهم يحبو بعضهم !!


لالا حبيبي أنا ماهو بشخص خوّان ..


حبيبي .. وعدني


أنا له .. وهو لي


قربو





وقربو




وقربو




مرت بجنبي .. ووقفت


قالت أنت فلان !؟


تتلعثم حروفي .. أجمعها من خوفي


وقلت بصعوبة ( أيه أنا فلان )


قالت : غابت الشمس .. من تحتري للآن ..؟؟


من صدمتي ..


ذبلت وردتي ..


نزلت دمعتي ..


علت صرختي ..


أنا ( حبيبك ) ياخل ياخوّان ..


أنا اللي حلفت إنك ماتحب غيرهـ أبد إنسان


أنا اللي سهر ليله .. يدعي لك الرحمن


أنا اللي وهبك قلبه .. وجزيته الآن بالنكران


أنا اللي منتظر أشوفك بعد غيبة .. ورضى بعيشة الحرمان


قاطعت قولي بكلمة ..!!


قالت :


أنسى اللي كان .. وعيش الآن


أنا ببتعــد عن قلبــك .. وأعلن رحيلي .. وأخلي قلبك والمكان


وأعيش الآن


وعطتني ظهرها .. ومشت ومشى معها حبيب الزمان


وبقيت أنا .. ووردتي


وحزن إنسان


تلاشت فرحتي ..


وبقيت انا ودمعتي وظلام ليلي وبقايا المكان ،،


...


لكن قبل أموت أبكتب قصتي


ياعسى بيوم موتي .. تتذكر لهفتي.. وتقلب أوراقي


وأكتب الكلمة اللي وقت شوفها عجز عنها لساني


أبكتب لها في نهاية قصتي ..


حبيبتي :


(( كنت أشتاق أليك منذ زمان .. وحتى الآن .. ومابعد الآن ))


حبيبتي :


(( إن كنتي قد خنتي .. فلن أخلف وعدي .. وسأحبك طول الزمان ))


أيتها الخائنة :


(( قلبك ملكك .. ولك الحق أن تخوني من أحببتي .. ولكن تذكري أن له حق مثلما .. هو لك .. ))


لكن الفرق :


أنه لايخون من خان


--------------------------